Iraku “dëbon” ushtritë e huaja, Trump: Do ju ndëshkojmë


Iraku “dëbon” ushtritë e huaja, Trump: Do ju ndëshkojmë

11:23 06/01/2020

Debate në senat pas vendimit të Presidentit

Presidenti amerikan Donald Trump kërcënoi Irakun me sanksione të ashpra, pasi parlamenti i këtij vendi miratoi një rezolutë, ku i bëhej thirrje ushtrive të huaja të largoheshin nga vendi.

Rezoluta jo-detyruese u miratua pas vrasjes të premten nga dronët amerikanë pranë aeroportit të Bagdadit të gjeneralit të gardës revolucionare iraniane Qassem Suleimani.

 Duke folur përpara gazetarëve gjatë fluturimit me avionin presidencial për në Florida, Tramp përdori edhe një krahasim për të treguar se sa të ashpra do të ishin këto sanskione.

Me masat ndëshkuese që kemi në plan, sanksionet ndaj Iranit do të duken më të buta. Ne kemi një bazë ajrore atje jashtëzakonisht të kushtueshme. Na ka kushtuar miliarda dollarë për t’a ndërtuar. Nuk do të largohemi derisa të na e shlyejnë atë”.

Por teksa Trump i mban të larta tonet ndaj Iranit dhe Irakut, drejtuesja e dhomës së përfaqësuesve në kongresin amerikan, demokratja Nensi Pelozi tha se do të shtrojë për votim një rezolutë që kufizon vendimmarrjen e presidentit Trump për veprimet ushtarake kundër Iranit.

Por sekretari amerikan i shtetit Mike Pompeo shpreh vendosmërinë e administratës për t’a çuar deri në fund betejën e nisur kundër regjimit iranian.

“Mund të ketë pak zhurmë në vendin tonë për këtë çështje, por ne do të marrim të gjitha veprimet e nevojshme për të mbrojtur amerikanët në Irak e rajon, e po ashtu kudo nëpër botë”.

Pas vrasjes së Suleimanit, urrejtja ndaj amerikanëve në Iran ka arritur kulmin. Në parlament deputetët bërtasin “Vdekje e Amerikës”.

Rekord prej miliona pjesëmarrësish në ceremonitë përkujtimore në Teheran për gjeneralin e vrarë. Përpara arkivolit të Suleimanit u shfaq i përlotur edhe Ayatollahu Kamenei. Liderët e Iranit betohen se do t’i dëbojnë amerikanët nga rajoni. Hakmarrje kërkoi përpara trupit të të atit kërkoi edhe e bija e gjeneralit Zeineb Suleimani.

Tv Klan

Grupi
LAJMET
Të ngjashme

Grupi