Presidenti amerikan, Donald Trump dhe homologu i tij rus, Vladimir Putin kishin një takim të dytë në samitin e G20-2ë, takim i cili nuk ishte njoftuar më parë për median.
Lajmi për takimin e dytë mes dy presidentëve në fillim të këtij muaji në Gjermani, u bë i ditur nga mbrëmë Shtëpia e Bardhë.
“REL”tha se të dy zyrtarët e lartë e kanë mbajtur një takim bilateral, që ka zgjatur më tepër se dy orë, më 7 korrik, ndërsa zëdhënësi i Shtëpisë së Bardhë tha se Trump dhe Putin, po ashtu, kishin “një bisedë të shkurtër” gjatë darkës së liderëve botërorë në samit.
Në pamjet televizive të darkës shihet se Melania Trump, bashkëshorte e presidentit, Donald Trump, ishte ulur afër Putinit.
Shtëpia e Bardhë ka njoftuar se në këtë takim rolin e përkthyesit e kishte një person rus, pasi përkthyesi amerikan në këtë darkë nuk fliste rusisht.
Zoti Trump është nën shqyrtim intensiv për shkak të dyshimeve se ekipi i fushatës së tij ndoshta ka bashkëpunuar me përpjekjet ruse për të ndikuar në rezultatet e zgjedhjeve presidenciale amerikane në vitin 2016.
Trump ka hedhur poshtë çfarëdo bashkëpunimi me rusët.
