Twitter po provon një opsion të ri që i lejon përdoruesit të shpërndajnë “shënime” që përmbajnë deri në 2500 karaktere. Postimet e zakonshme të platformës janë deri në 280.
Ky ndryshim është kryer pasi përdoruesit përdorin fotografitë për të postuar njoftime të gjata dhe i drejtojnë ndjekësit në burime të jashtme. Testimi do të vijojë për dy muaj për një grup të vogël shkrimtarësh në Kanada, Ghana, Mbretërinë e Bashkuar dhe SHBA.
Synimi është që audienca të qëndrojë në ekosistemin e Twitter dhe lexuesit të shohin një titull e më pas mund të lexojnë postimin e plotë duke klikuar në një link. “Ideja e Note është të mbushë vendin bosh të të shkruarit të vërtetë”, shprehet kompania.
Përdoruesit do të kenë mundësi t’i redaktojnë shënimet e tyre edhe pas publikimit./tvklan.al
