Dy makina janë djegur gjatë natës në afërsi të Drejtorisë së Policisë në Elbasan. Si pasojë e flakëve të zjarrit është djegur plotësisht automjeti tip “Volswagen” në pronësi H. Hasekiu, kurse mjetit tjetër i djegur është në pronësi të B. Hoxhës.
Në vendin e ngjarjes shkuan zjarrfikëset që bënë të mundur lokalizimin dhe fikjen e flakëve. Me anë të kamerave të instaluara pranë Drejtorisë së Policisë, policia arriti të identifikojë autorin, i cili është shpallur në kërkim.
Ende nuk dihen shkaqet e kësaj zjarrvënie të qëllimshme. Grupi hetimor ka marrë në pyetje pronarët e automjeteve, por identifikimi i autorit duket se do ta zbardhë shpejt ngjarjen./abcnews.al
