Vaksinohen mbi 95% e pedagogëve te Filologjiku


Vaksinohen mbi 95% e pedagogëve te Filologjiku

18:49 13/09/2021

Dekani Laçi: Për studentët s’kemi të dhëna. Studentët: Secili ka të drejtën të zgjedhë

Fakulteti i Histori Filologjisë ka një ecuri shumë të mirë të vaksinimit. Sa i përket vaksinimit të studentëve ende nuk ka një panoramë të qartë se sa është përqindja e atyre që janë vaksinuar.

Një pjesë e studentëve shprehen se bërja me detyrim e vaksinimit i ka irrituar më shumë, madje paralajmërojnë për protesta nëse do lihen jashtë auditorëve. Ndërsa një pjesë janë në kërkim të vaksinës së duhur.

Aktualisht dyert e fakulteteve janë të hapura për studentët, pasi veç regjistrimit të kandidatëve në universitet, kanë nisur edhe provimet e vjeshtës. Ndërkohë që data e nisjes së vitit të ri akademik është nuk është përcaktuar zyrtarisht.

Sipas Komitetit Teknik, vaksinimi është i detyrueshëm për stafet shëndetësore, pedagogët dhe studentët. Të cilët duhet të kryejnë vaksinimin brenda 30 Shtatorit. Pas kësaj date nis penaliteti për paraqitjen periodike të një testi PCR.

Klan News








Të ngjashme