Për koreanoveriorët, dita e zgjedhjeve parlamentare është festë e madhe si askund tjetër në botë. Fitues të zgjedhjeve të mbajtura në fundjavë ishin kandidatët e Partisë së Punëtorëve të udhëheqësit komunist Kim Jong-un.
Ata siguruan 100% të votave dhe do të zenë të 700 vendet e në Asamblenë Supreme të Popullit, siç njihet ndryshe parlamenti. Rezultati dihej pa u zhvilluar zgjedhjet, megjithatë radhët e votuesve ishin tepër të gjata në të gjitha qendrat e votimit, për kënaqësinë e të cilëve, partia kishte organizuar edhe festimet me këngë e valle.
Kandidatët e Partisë së Punëtorëve nuk kishin asnjë konkurrent në fletën e votimit. Udhëheqësit të madh, fleta iu dorëzua ndryshe nga votuesit e zakonshëm. Mosha minimale për të votuar është 17-vjeç.
“Jam krenare që jam qytetare e Republikës Demokratike Popullore të Koresë dhe do doja të bëja më të mirën për të kontribuar në prosperitetin e republikës tonë”.
Ky proces votimi zgjodhi deputetët e legjislaturës së 14 për një mandat 5-vjeçar.
Tv Klan
