Ka ndërruar jetë basketbollisti Kosovës, Gazmend Sinani.

Në një njoftim për media, Federata e Basketbollit të Kosovës ka thënë se Sinani ka humbur jetën në një aksident në orët e hershme të mëngjesit të së shtunës.

“Në po të njëjtin aksident lëndime trupore kanë pësuar edhe Granit e Fisnik Rugova, Altin Morina dhe fizioterapeuti i reprezentacionit Kujtim Shala”

, thuhet në njoftimin e FBK-së.

Basketbollisti Sinani ka luajtur për grupmoshat e reja në Prishtinë, karrierën e ka vazhduar në Turqi, ku ishte pjesë e akademisë së Fenerbahçes dhe kombëtareve turke të grupmoshave të reja.

Në Kosovë ka luajtur për Prishtinën, Bashkimin e Rahovecin, kurse në klube të ndryshme turke është paraqitur disa sezone.

Sinani ishte anëtar i kombëtares së Kosovës në basketboll./REL