Veliaj i kthen përgjigje PD-së: Denoncimet për rindërtimin, spekulime


Veliaj i kthen përgjigje PD-së: Denoncimet për rindërtimin, spekulime

11:30 25/09/2020

Kryebashkiaku i Tiranës, Erion Veliaj, i ka kthyer përgjigje denoncimeve të Partisë Demokratike për rindërtimin duke i quajtur ato spekulime.

Gjatë një vizite në Dajt me Kryeministrin Rama, Veliaj deklaroi se shumica e njerëzve, si ata që ndihmojnë, por edhe ata që përfitojnë nga rindërtimi janë korrektë dhe mirënjohës.

Mirëpo për spekulantët, Veliaj tha se u jepen faturat dhe raportet në lidhje me dëmet që kanë pasur.

“Patjetër që ka dhe njerëz që janë spekulantë, që thonë s‘janë paguar. Ne kemi ruajtur faturat e të gjithëve, raportet e të gjithëve, akt-konstatimet e të gjithëve. Dua të them që për çdo njeri që do të bëjë spekulantin janë 1 mijë të tjerë që janë mirënjohës që kanë respektuar shtetin dhe ligjet, afatet, certifikatat, hipotekat. 99.99% e njerëzve si ata që përfitojnë si ata që ndihmojnë dhe paguajnë taksat janë korrektë. Pastaj ata që spekulojnë i jepet fatura”, tha Veliaj. /tvklan.al





Të ngjashme