Zyrtarizimi i rezultatit të 6 tetorit, pas shqyrtimit të ankesës

Vetëvendosja është i vetmi grupim politik, që paraqiti ankimim pas përfundimit të rinumërimit të votave për zgjedhjet e 6 tetorit.

Zyrtarët e Panelit për Ankesat thanë se ankimimi i Vetëvendosjes lidhet me mënyrën e administrimit të votave të diasporës.

Komisioni Zgjedhor në Kosovë pritet të publikojë rezultatet e votave të diasporës gjatë javës.

Ndërsa vendimi për ankimimin e Vetëvendosjes do të shqyrtohet gjatë kësaj të hëne.

Pas përfundimit të këtyre procedurave, do të zyrtarizohet edhe rezultati i zgjedhjeve.

Hyrja në Kuvend, e koalicionit NISMA-AKR ka ulur nën 61 numrin e përbashkët të deputetëve të Vetëvendosjes dhe LDK-së.

Tv Klan