Video/ Cilat janë ndërhyrjet estetike më të kërkuara nga shqiptarët

Ndërhyrjet estetike janë kthyer në trend vitet e fundit. Njerëzit gjithmonë e më shumë po i nënshtrohen ndërhyrjeve për të përmirësuar pamjen e tyre fizike.

E  pikërisht për të folur për ndërhyrjet estetike ishin sot në studion e “Rudina” në Tv Klan, Elda Laze, gazetare e njëkohësisht autore e programit, “Doktor Plastik”, Kiara Tito, moderatore e programit “Doktor Plastik”, Anxhela Peza, psikologe dhe Xhensila Pere.

Gjatë emisionit Laze rrëfeu se ndërhyrjet më të kërkuara janë rinoplastika, rinoseptoplastika, mentoplastika, otoplastika dhe lifting fytyre.

“Ndërhyrjet që janë kërkuar kanë qenë të shumta, ndër ta janë rinoplastika, rinoseptoplastika, mentoplastika që ka të bëjë me korrigjimin e mjekrës, otoplastika që është korrigjim i veshëve dhe lifting fytyre që ka bërë ndryshime drastike tek personazhet që ne kemi patur në “Doktor Plastik”. Edhe pse kemi punuar në kohë rekord, rezultatet e personazheve kanë qenë shumë të dukshme. Lifting i fytyrës ka qenë një nga operacionet më të paragjykuara pasi janë mosha të mëdha dhe e kanë ende tabu idenë e ndërhyrjeve estetike”

, tha Laze.

Ndërkohë psikologia Peza shtoi se ndërhyrjet estetike shihen ende si tabu sepse presupozohet që edhe rrudhat edhe thinjat tregojnë përvojat jetësore.

“Ndërhyrjet estetike shihen ende si tabu sepse presupozohet që edhe rrudhat edhe thinjat tregojnë përvojat jetësore dhe një njëri është më e mirëpritur kështu. Është krijuar një lloj striotipi se e bukura është e mirë, madje edhe statistikat tregojnë se personat të cilët janë të bukur kanë punësim me shkallë më të lartë se personat më pak të bukur”

, tha Peza.