Grimieri i famshëm shqiptar Mario, i cili grimon gratë më të famshme në botë, ndër to edhe Kim Kardashian ishte sot i ftuar në emisionin “Xing me Ermalin” në Tv Klan.
Mario tregoi se përpara se të punonte për familjen Kardashian ai ka punuar në Fox News ku edhe u bë i njohur si grimier.
Mamaqi: Përpara se të njiheshe me Kim Kardashian punoje për Fox News?
Mario: Po kam punuar për Fox News, por kam patur shumë punë gjithë kohën në New York.
Mamaqi: Aty punoje për shumë vipa dhe pastaj u bëre i njohur?
Mario: Po, po.
Mamaqi: E mban mend herën e parë që i ke bërë grimin Kim Kardashian? Çfarë të tha?
Mario: Më tha sa bukur Mario.
Mamaqi: Fakti që ajo foli shqip ishte një xhest shumë i mirë. Sa mirë që e bëre. Unë di që ti dhe Kim keni qenë të parët që bëtë lojën e konturit.
Mario: Po, konturi është si të bësh “photoshop live”.
Mamaqi: Pra ti je babai i konturit?
Mario: Ashtu thonë.
Mamaqi: Kur shikon rrugës njerëz që e kanë bërë konturin keq të vjen t’i kapësh dhe ti “mbysësh”?
Mario: Jo kur nuk jam në punë nuk e çaj b***ën.
Gjatë emisionit Mario rrëfeu po ashtu se profesionin si grimier e ka nisur në moshën 17-vjeçare. Ai tha se pasi përfundoi gjimnazin nisi të shiste produkte për marka të njohura kozmetike dhe aty vuri re se i pëlqente të grimonte.
/tvklan.al
