Kryeministri Edi Rama, me anë të një videoje të postuar në rrjetet sociale sjell të dhënat e mbajtura të fshehta deri më tani, sipas tij, nga Policia e Shtetit, për kultivimin e kanabisit në vend, nga viti 2007 deri në 2013 – ën.
Këtë, kryeministri e shoqëron me fjalinë:
“Çfarë nuk na kanë thënë vite të tëra për kultivimin e kanabisit në Shqipëri”.
Në videon ilustruese shkruhet:
“A na e kanë thënë të gjithë të vërtetën për drogën?
Ja zonat ku është kanabisi gjatë viteve 2007 – 2013.
Të dhënat zyrtare të Policisë së Shtetit për kultivimin e drogës, deri dje të mbajtura sekret.
Kjo është e vërteta që nuk na kanë thënë deri tani. Sot po luftojmë për zgjidhjen.”
Kjo dëshmi e Ramës me video, vjen në një kohë kur opozita vijon me akuzat ndaj qeverisë për kultivimin e drogës në vend./tvklan.al
