Policia franceze është përleshur dhe ka përdorur gaz lotsjellës ndaj tifozëve anglezë dhe një grupi islamikësh në qytetin jugor të Marsejës.
Ngjarja ka ndodhur jashtë një klubi irlandez pasi tifozët anglezë në gjendje të dehur janë përleshur me vendasit dhe kanë filluar të këndojnë me fjalët “ISIS, ku je ti”.
Mësohet se zyrtarët kanë vendosur mburoja madje kanë ushtruar dhe dhunë për të shpërndarë dy grupet. Marseja është një qytet më një komunitet të fortë islamik.
Besohet se myslimanët përbëjnë një të tretën e popullsisë, por ende nuk dihet nëse tensionet fetare e shkaktuan këtë incident. /tvklan.al
