Komisioni i Jashtëm Parlamentar votoi unanimisht protokollin e anëtarësimit të Maqedonisë së Veriut në NATO. Anëtarët e shumicës dhe të opozitës votuan bashkërisht duke i hapur dritën jeshile vendit fqinj në aleancën ushtarake.
Vota në Komisionin e Jashtëm pasoi atë të Komisionit të Ligjeve, të hënën. Të enjten do të jetë Kuvendi i Shqipërisë që pritet të ratifikojë zyrtarisht pranimin e anëtarit të 30-të në NATO. Ne seancën plenare do të jetë i pranishëm edhe kreu i Kuvendit të Maqedonisë së Veriut, Talat Xhaferi.
Tv Klan
