5 persona kanë marrë pjesë në vrasjen e Ariel Zangës, 2 ditë më parë në lagjen Ali Demi në Tiranë. 4 prej tyre u arrestuan në vendin e quajtur “Kali i Trojës”, në plazhin e Durrësit, në një operacion të policisë së Tiranës, asaj të Durrësit dhe Forcave RENEA, ndërsa një tjetër u shpall në kërkim.
Drejtori i policisë së Tiranës, Ardian Çipa bëri me dije se janë kapur:
1. Agron Agim Goxhaj, 36 vjeç, lindur dhe banues në Tiranë, i dënuar më parë për plagosje
2. Artan Fredi Hasani, 42 vjeç, lindur dhe banues në Tiranë, i dënuar më parë për krime ndaj jetës dhe prodhim për shitje municionesh luftarake
3. Enton Sazan Sada (Ibrahimi), 41 vjeç, lindur dhe banues në Tiranë, i dënuar më parë për vrasje me paramendim
4. Alket Elmas Halitaj, 42 vjeç, lindur dhe banues në Tiranë,
Shtetasit e sipërpërmendur në bashkëpunim me njëri-tjetrin sëbashku me shtetasin Edison Kajtazi (i shpallur në kërkim), janë autor të vrasjes së shtetasit Ariel Zanga e ndodhur dy ditë më parë në rrugën “Ali Demi” Tiranë.
Drejtori i Policisë së Tiranës sqaroi se vrasja ka adhur si pasojë e një llogarie të pashlyer mes viktimës dhe autorëve.
Në operacionin për kapjen e autorëve u arrestuan edhe dy persona të tjerë, Andi Veshi për “Përkrahje të autorit të krimit” Besnik Mansaku, për moskallëzim krimi. 36 –vjeçari Ariel Zanga, pronar i një lokali në zonën e ish –bllokut u qëllua me 8 plumba pistolete rreth orës 22:00 të së premtes, në afërsi të shkollës 1 Maji.
Tv Klan
