Ekzekutohet në derën e shtëpisë 40-vjeçari në Durrës

Ekzekutohet në derën e shtëpisë 40-vjeçari në Durrës

13:46 01/08/2019

Feriz Bardhi u qëllua me 10 plumba kallashnikovi

Një 40-vjeçar është ekzekutuar me armë zjarri në Durrës në kohën që po dilte nga banesa e tij. Sipas policisë viktimë ka mbatur Feriz Bardhi, që është qëlluar me të paktën 10 plumba automatiku nga persona të pa identifikuar. Ngjarja e rënda ka ndodhur në orën 12:55 minuta, në lagjen 18 të qytetit të Durrësit. Mësohet se 40-vjeçari ka mbetur i plagosur rëndë, por pasi është transportuar në spital ka humbur jetën pasi nuk i mbijetoi dot plagëve të marra. Ngjarja e rëndë ka ndodhur pranë stadiumit të qytetit bregdetar, atje ku banonte edhe viktima.

 “Sipas dëshmitarëve të ndodhur në vendngjarje, autorët e kanë thirrur viktimën dhe në kohën që ka dalë nga banesa kanë qëlluar me breshëri automatiku”.

Hetuesit kanë sekuestruar kamerat e sigurisë në vendin ku u krye edhe ekzekutimi për të bërë të mundur identifikimin e autorëve.

40-vjeçari nuk ishte person me precedent penal, por njihej si konfliktual në zonën e Shën Avlashit atje ku ai ka jetuar më herët.

Pak minuta pas vrasjes, policia ka gjetur një makinë të djegur poshtë urës së Gjolës në Fushë-Krujë që dyshohet se është përdorur nga autorët. Brenda saj janë gjetur edhe 2 armë kallashnikov të cilat janë dërguar në laboratorin e kriminalistikës për të parë nëse janë përdorur në këtë ngjarje apo krime të tjera.

Tv Klan

Të ngjashme
UKT