Përshkallëzohen tensionet mes SHBA dhe regjimit islamik
Një sulm ajror amerikan vrau komandantin më të fuqishëm ushtarak të Iranit në aeroportin e Bagdadit.
Presidenti Donald Trump autorizoi këtë sulm që la të vdekur gjeneral Qasem Soleimani, personi i dytë më i fuqishëm në Iran.
“Në drejtimin e presidentit, ushtria amerikane ka ndërmarrë një veprim vendimtar për të mbrojtur personelin amerikan jashtë vendit duke vrarë Qasem Soleimani,” tha Pentagoni në një deklaratë.
Gjeneral Soleimani drejtoi operacionet ushtarake iraniane në Lindjen e Mesme si kreu i forcës elitare të Kudsit të vendit.
Dy raketa nga një aeroplan goditën gjeneralin Soleimani menjëherë pasi ai u nis nga aeroporti i Bagdadit.
Në sulm u vra edhe Abu Mahdi al-Muhandis, nënkryetari i shoqatës së forcave të milicisë në Irak, Njësitë Popullore të Mobilizimit.
Pentagoni e justifikoi atentatin, duke thënë se Gjeneral Soleimani ishte “në mënyrë aktive në zhvillim të planeve për të sulmuar diplomatët amerikanë dhe anëtarët e shërbimit në Irak dhe në të gjithë rajonin”.
Sulmi erdhi pak ditë pasi protestuesit sulmuan ambasadën amerikane në Bagdad, duke u përplasur me forcat amerikane në vendngjarje.
Pentagoni tha që Gjeneral Soleimani mori përsipër sulmet ndaj ambasadës. Pak minuta para deklaratës Presidenti Donald Trump, në Twitter postoi një flamur amerikan pa asnjë koment. /tvklan.al
