Ish-gjenerali amerikan thotë se NATO do të jetë gati për luftë nëse i preken kufijtë
Ish-komandanti Suprem i Forcave Aleate të NATO-s, gjenerali amerikan Wesley Clark, njeriu që drejtoi fushatën e bombardimeve të aleancës kundër forcave serbe në vitin 1999 gjatë luftës së Kosovës, thotë që vendet anëtare duhet të bëjnë gjithçka që munden për të mbështetur forcat ukrainase në fushën e betejës.
Në një intervistë për “Radio Evropën e Lirë” thotë se aleanca duhet të ndërmarrë një varg masash për t’u përgjigjur, nëse Rusia i kalon kufijtë e saj.
“NATO-ja duhet ta përgatisë veten. Kjo përfshin planifikim dhe rregullim të forcave. Vendet duhet të rishpëndajnë buxhetin; në raste të caktuara, rezervistët të mobilizohen. Kjo nënkupton edhe ndërtimin e projekteve të infrastrukturës, përgatitjen e rrugëve logjistike dhe një sërë masash të tjera, në mënyrë që NATO-ja të përgjigjet, nëse Rusia i kalon kufijtë e saj”, shprehet ai.
Clark ka edhe një parashikim për presidentin Vladimir Putinin. Ai thotë se nëse cilësohet kriminel lufte ai do të ketë të njëtin fund si ish-presidenti serb, Sllobodan Milosheviç.
Sipas tij, objektivi real i Putinit është të shkatërrojë mundësinë që Ukraina të rreshtohet me Perëndimin dhe të mposhtë NATO-n me kërcënimin ose përdorimin e armëve bërthamore ose të armëve kimike dhe pastaj të rimarrë kontrollin e Europës Lindore duke detyruar SHBA-në të largohet. Clark përfundon duke thënë se nuk ngrihen të gjithë kundër, kjo do të sillte Luftën e Tretë Botërore.
Klan News
