XING ME ERMALIN – EMISIONI 11 – TV KLAN

XING ME ERMALIN – EMISIONI 11

Talk-show: 03.12.2016

Të ftuar:

Julian Deda

Në emisionin e së shtunës në ekranin e Televizionit Klan, “Xing me Ermalin”, ishte i ftuar aktori Julian Deda. Sikurse e prezantoi dhe Ermali, Juli është një nga miqtë e tij të vjetër dhe pasardhësi i një aktori të shkëlqyer si Zef Deda.

Sikurse është bërë traditë tashmë bisedat nisin plot humor dhe shaka, dhe aq më tepër kur bëhen bashkë dy shokë të ngushtë në një emision plot të qeshura dhe situata gazmore.

“Me të kam kaluar një pjesë shumë të rëndësishme të jetës time, sepse karriera ime si aktor ka filluar pranë tij dhe ai ka qenë një nga personat që më ka ndihmuar dhe mbështetur që të kem sukses”.  Me këto fjalë, Ermali ka ftuar në studio Julian Dedën.

Je një anëtar i mirëfilltë i Partisë Demokratike dhe këtë e tregon me gjithë qenien tënde në “Facebook”,  në emisione, dhe në çdo gjë tjetër që bën ti. 
Jo vetëm unë në këtë studio J Është e vërtetë, unë jam anëtar i Këshillit të Partisë Demokratike, si dhe Koordinator Kombëtar i saj. Jo, të gjitha ato që them unë në Facebook,  kanë lidhje me të qenë anëtar i PD, por me realitetin që ne shohim dhe jetojmë përditë.

Pse e bën këtë? Do bëhesh ministër Kulture kur të vijë PD në pushtet?
Po më kanë premtuar një copë tokë që nga Fieri deri në derdhje të Bunës (Qesh). Nuk ka lidhje me premtimet, unë thjesht e ndjej dhe e bëj.

Nuk të duket vetja sikur je bërë i hidhur shumë me këta pushtetarët, sepse vetëm i shan, nxjerr vrer? 
Ka një gjë, mbase ke të drejtë, pasi i shaj shumë. Unë akumuloj dhe gjithë mllefin që kanë shokët e mi që nuk duan të flasin dhe i hedh unë në Facebook. Për shembull më more ti pardje, me the hidhe një status dhe unë e hodha. Si mund të mos themi kur Tirana mbytet me sh**rrë qeni. Do kishin bërë mirë të na kishin sjellë drita.

Kujt i ke ngjarë?
I kam ngjarë gjyshes, por të gjithë thonë i kam ngjarë babait, por babi vetë i ka ngjarë gjyshes. Por të dy prindërit janë dy zhurmues me vete, dhe dardha ka rënë nën dardhë.

Sapo kemi kaluar festat e nëntorit dhe ti ke një ndjenjë atdhetarie dhe patriotike gjithmonë, jo vetëm kur luan Kombëtarja. Çfarë ka vendi jonë për të qenë krenarë?
Në nuk duhet të jemi patriotë vetëm kur luan kombëtarja apo kur na përfaqësojnë jashtë. Ne duhet të jemi dashamirës ndaj vendit edhe në të përditshme tonë, duke e respektuar, mos e bërë pis dhe duke respektuar njëri tjetrin. Vendi jonë ka çdo gjë për të qenë krenar, përveç drejtuesve.

Midis teje dhe Gentian Zenelajt (Gentit) ka pasur një thyerje në momentin që ai u largua nga Apartamenti 2XL dhe ju që atë ditë nuk flisni më. Sa e vërtet është kjo Juli?
Është shumë e vërtetë, por nuk ka ndodhur direkt pas ikjes. Unë dhe Genti nuk kemi më komunikim bashkë. Nuk me vjen mirë, por kjo është jeta, gjithsecili ka jetën e vet. Ai dhe unë vendosëm të rrimë kështu pa folur.

Çfarë ndodhi mes jush?
Të them të drejtën as unë nuk e di se çfarë ka ndodhur, edhe pse duket e çuditshme. Mbase e di Genti, pyete kur të vijë në emision.

Pyetjet nga Facebook-u…

A e ke dëgjuar babin kur të ka kritukuar?
E dëgjoj gjithmonë. 

A jeni i dhunshëm dhe sa herë të ka rrahur gruaja?
Gratë na rrahin përditë, ato janë forca e familjes.

A e rrahe Albanon apo të rrahu?
Ka dalë një konflikt në media, ndërkohë që nuk është e vërtetë. Dua t’ju them që ne nuk kemi nevojë të prodhojmë këto lajme. Nuk është e vërtete, ndoshta ka qenë zënkë punë, por asnjë gjë më shumë.

Si të thërrisnin çunat e lagjes kur ishe i vogël?
Cicë

A keni fjetur bashkë të dy (me Ermalin)?
Kemi fjetur vetëm në një dhomë, por jo krevat, se unë gërhas.

Cili është humoristi më i mirë se Zef Deda?
Zef Deda

Kategori
Xing me Ermalin
1 Koment
  • liliana sulo
    5 Dhjetor 2016 at 11:08
    Përgjigju

    puntata me e dobet qe kam pare Ermal,nuk e dipese,a mos ndoshta ishte personazhi qe kishe thirurapo,nuk e di

  • Përgjigju

    *

    *

     

    Emisione