Covid-19 nuk e pengon stërvitjen e çiklistit shqiptar
Ylber Sefa mund të stërvitet çdo ditë. Çiklizmi ne Belgjike, aty ku ai jeton, nuk është i ndaluar.
29-vjeçari është pjesë e skuadrës belge Tarteletto – Isorex dhe bën çdo ditë kilometra të tëra për të ruajtur formën fizike.
Por edhe atje, disa rregulla kane ndryshuar.
“Nuk lejohet të stërvitemi më shumë se 2 veta bashkë, pasi kështu janë masat në Belgjikë”.
Ylber Sefa synon të mbrojë titullin ballkanik të fituar tetorin e kaluar në Bosnje-Hercegovinë, por mbi të gjithë të garojë në olimpiadën e Tokios vitin e ardhshëm.
“Lojërat Olimpike u shtynë për vitin e ardhshëm synoj të jem atje dhe kjo më jep kohë të përgatitem më shumë”.
Sefa është pjesë e çiklizmit profesionit prej vitit 2018, ku firmosi kontratën e parë me Tarteletto – Isorex.
Tv Klan
