Shtatë ditë para seancës plenare, opinioni në Maqedoni dhe ai ndërkombëtar, presin me interes nëse kryeministri Zoran Zaev do t’ia dalë ka për të kaluar me sukses paketën e ndryshimeve Kushtetuese për emrin.
Nëse jepet drita jeshile për zbatimin e këtyre ndryshimeve kushtetuese nga gjysma e Janarit Maqedonia do të quhet zyrtarisht Republika e Maqedonisë së Veriut.
Ndërsa mediat në Athinë, duke iu referuar një letre të Sekretarit të Përgjithshëm të NATO-s, Stoltenberg, pohojnë se Shkupi, po edhe Athina, këtë procedurë të aprovimit të Traktatit të Prespës do të duhet ta mbyllin deri më 15 Shkurt.
Për më tepër, sikurse njofton korrespondenti i televizionit Klan në Greqi, Robert Goro, menjëherë pas miratimit të ndryshimeve kushtetuese në Maqedoni, kryeministri grek ka për të vendosur datën kur Parlamenti do të ratifikojë Marrëveshjen.
Kryeministrat e të dyja vendeve, edhe në paraqitjet e fundvitit nuk e fshehën optimizmin se më në fund kanë për të kaluar me sukses këtë hendek të thelluar ndër dekada të mosmarrëveshjeve për emrin.
VMRO-DPMNE, por edhe opozita greke, se do të bëjnë çmos që të pengojnë ratifikimin. Sidoqoftë, burime diplomatike në të dyja vendet, por edhe në Bruksel e Uashington, thonë se Marrëveshja e Prespës u arrit edhe me kontributin e tyre, ndaj nuk besojnë se kjo marrëveshje mund të rezultojë e pasuksesshme.
Tv Klan