Komisioni Shtetëror për Parandalimin e Korrupsionit ka njoftuar Kuvendin e Maqedonisë së Veriut se është i jashtëligjshëm propozimi që Kryeministri Zoran Zaev, krahas funksionit si Kryeministër, të ushtrojë edhe atë të Ministrit të Financave.
Nga ky Komision kanë thënë se Ligji për parandalimin e korrupsionit dhe konflikte interesash nuk lejon një gjë të tillë. Në një paraqitje para deputetëve, Kryeministri Zoran Zaev tërhoqi propozimin për vetë emërim në Financa, siç tha, duke dëgjuar zërin e opinionit e të opozitës.
“Ju njoftoj se e tërheq kandidimin për ministër edhe pse ligji dhe Kushtetuta ma lejon. Tërhiqem pasi pati reagime nga opozita dhe Antikorrupsioni. Paralajmëroj se do të udhëheq me ministrinë derisa të emërohet ministër i ri”.
Gjashtë ministra do të largohen dhe po aq do të marrin detyrën e re sot në seancën e thirrur nga kryetari i Kuvendit, pasi Kryeministri Zoran Zaev të dielën dorëzoi në Kuvend propozimin për riformatimin qeveritar.
Tv Klan
