Reflektohen ndryshimet për të cilat palët ranë dakord

Këshilli Politik ka përfunduar punën për reformën zgjedhore dhe ekspertët kanë reflektuar në Kodin e ri Zgjedhor ndryshimet për të cilat palët kanë rënë dakord. Drafti do t’i kaloi tani për miratim Komisionit të Posaçëm të Reformës Zgjedhore dhe më pas  edhe Kuvendit.

Në draftin e përgatitur nga ekspertët përcaktohet formula e re e financimit të subjekteve zgjedhore ku kufizohet mundësia për financime nga paratë jo publike.

Gjithashtu përcaktohen periudhat e reja zgjedhore brenda të cilat do të mbahen zgjedhjet parlamentare dhe ato vendore.

Sipas këtij përcaktimi të ri zgjedhjet zhvillohen njëherësh në të gjithë territorin e vendit brenda periudhës që shtrihet nga 15 Prilli deri në 15 Maj ose nga 15 Tetori deri në 15 Nëntor.

Një tjetër ndryshim i rëndësishëm që është reflektuar në këtë Kod është edhe përcaktimi për identifikimin biometrik të zgjedhësve, si dhe formula e re formatimit të KQZ-së me tre shkallë organizimi.

Tv Klan