Zbardhet misteri i zhdukjes së 31-vjeçarit

Zbardhet misteri i zhdukjes së 31-vjeçarit

11:59 21/04/2019

Disa turistë të cilët ndodheshin në pyjet e rajonit të Moskës gjetën një skelet njeriu të prangosur pas një peme. Nuk bëhej fjalë për një vrasje, por për një numër iluzionist i shkuar keq.

Viktima u identifikua shumë shpejt. Ai ishte Ivan Klyucharev, një 31-vjeçar i zhdukur 2 vjet më parë e që aspironte të ishte iluzionist.

Klyucharev udhëtonte shpesh vetëm në të gjithë Rusinë, pa u thënë familjarëve asgjë nga planet e tij. Ai ishte gjithashtu i apasionuar pas iluzionistit të famshëm Harry Houdini dhe numrave të tij legjendarë me pranga.

Skeleti i Klyucharev u gjet në dalje të fshatit Cherusti, që ndodhet 156 kilometra në lindje të Moskës, në fillim të kësaj jave. Në vendngjarje u gjetën gjithashtu pajisje kampingu, një çadër, ushqime, rroba, një laptop, pranga, zinxhirë etj.

Hetuesit rusë nuk e përjashtojnë mundësinë që 31-vjeçari mund të jetë vrarë. Megjithatë, pista kryesore është se iluzionisti u prangos vetë në pemë, në mënyrë që të praktikonte aftësitë e tij.

Vetëm një prej duarve ishte e lidhur, ndërsa tjera ishte e lirë, në mënyrë që të përpiqej të largohej. Por mesa duket Klyucharev nuk ishte ende gati për numra të tillë dhe dyshohet se vdiq si pasojë e urisë e etjes.

Sendet e tij ndodheshin vetëm pak metra më tutje, por të pamundura për t'u arritur prej tij. Ai gjithashtu nuk mund të telefononte për të kërkuar ndihmë, pasi e kishte lënë me vetëdije telefonin në shtëpi, për t'u siguruar se do ta çonte deri në fund numrin e tij iluzionist.

Miqtë e tij e përshkrujatën të riun si njeri ne zemër të madhe, por naiv. Pikërisht ky naivitet duket se i kushtoi edhe jetën.

Sipas asaj që shkruan e përditshmja Russia Today, kjo nuk ishte hera e parë që Klyucharev kishte provuar të bënte një numër të tillë. Në 2015-n ai u vetëprangos pas një peme dhe as në këtë rast nuk mundi që të lirohej. Ai nuk ndodhej shumë larg nga rruga e nisi të kërkonte ndihmë. Ishte policia që e dëgjoi dhe e shpëtoi.

/tvklan.al

Të ngjashme
Kolegji Profesional
AKSHI