Policia ka zbardhur vjedhjen me masaka dhe armë të zyrës së pensioneve në Zerqan, Bulqizë, duke vënë në pranga autorin kryesor të kësaj ngjarje. Sipas policisë është arrestuar Elvi (Blerim) Bici, 26 vjeç, banues në fshatin Strikcan, Zerqan, Bulqizë, (i dënuar më parë për disa vepra të rënda penale, si “plagosje e rënde me dashje” , “vjedhje” kryer në bashkëpunim.
Në sajë të operacionit të koduar “Zerqan 2016” është zbardhur dhe dokumentuar vjedhja me maska e armë e lekëve në zyrën e pensioneve në Njësinë Administrative Zerqan, Bulqizë. Gjithashtu policia ka sekuestruar tritol e municion luftarak, si dhe ka shpallur në kërkim autorin e dytë të kësaj ngjarje.
Me datë 25.02.2016, në Njësinë Administrative Zerqan janë vjedhur nga dy persona me maska një sasi prej 1.336.138 lekë të reja në zyrën e pensioneve të kësaj Njësie Administrative.
Gjykata e Dibrës ka vendosur masën e sigurisë “arrest me burg” për Elvi Bici si i dyshuar për veprat penale “vjedhje me armë” kryer në bashkëpunim, dhe “mbajtje pa leje të armëve luftarake./tvklan.al
