Sytë e një pacienti që ka probleme me zemrën mund t’u tregojnë doktorëve se sa gjatë mund të jetojë ky person. Është ky përfundimi i një studimi të fundit.
Kërkuesit zbuluan se pacientët me bebe të madhe syri kanë më shumë mundësi t’i mbijetojnë infarktit në zemër dhe të qëndrojnë larg spitaleve. Gjithsej në studim u morën 870 pacientë, të cilët ishin hospitalizuar për probleme të ndryshme me zemrën.
Pjesëmarrësit u ndanë në dy grupe, ata me bebe të madhe dhe ata me bebe të vogël syri.
Studimi, i cili u botua në Shoqërinë Europiane të Kardiologjisë, zbuloi se njerëzit me bebe të vogël kanë dyfish më shumë mundësi që të ndërrojnë jetë për shkak të infarktit. 47 për qind e pacientëve me bebe të vogël syri u shtruan për së dyti në spital.
“Rezultatet tona tregojnë se zona e bebes është një mënyrë e re për të identifikuar pacientët me probleme në zemër dhe për të vlerësuar riskun e tyre të vdekjes ose rishtrimin në spital”, tha Kohei Nozaki, drejtuesi i këtij projekti.
Infarkti në zemër i merr jetën shumë njerëzve në të gjithë botën. Është një gjendje kërcënuese në të cilën zemra nuk është pompon mjaftueshëm gjak për nevojat e trupit./tvklan.al
