Kërkimet shkencore disa vjeçare individuale apo të përbashkëta të studiues Lucia Nadin dhe historianit Aurel Plasari, çojnë në zbulimin e një teksti, të paditur më parë për ekzistencën e tij, të Marin Barletit.
Ai ndodhet në Bibliotekën Kombëtare të Francës i ardhur nga Venecia. Nga studimi i deritanishëm, ky dorëshkrim që vjen i ilustruar përmes këtyre dy fotografive, është më i hershimi i zbuluar nga Marin Barleti, që si dëshmues i rrethimit të parë të Shkodrës mbi pesë shekuj më parë.
“Nga ajo që kemi studiuar deri tani mund të them që bëhet fjalë për një dorëshkrimi që i përket fundit të 1494-ës, pra fundit të 1400 deri në 1501. Duket si një kopje luksi e përgatitur për botim, nuk ka shënime anash, është i pastër me një shkrim të thjeshtë lehtësisht të korrigjueshëm. Kam lexuar gjysmën e dorëshkrimit që mbetet për tu vërtetuar nëse është e kopje e shkruar nga dikush tjetër apo nga vetë Marin Barleti. Është tejet i vështirë sepse ka për shembull faqe të njëjta vetëm për rrethimin e parë të Shkodrës. Studimi ende nuk ka përfunduar”.
Një kopje e këtij dorëshkrimi në formatin digjital do ti jepet edhe Bibliotekës Kombëtare.
Tv Klan
