Shkencëtarët kanë zbuluar pikën më të thellë të Tokës. Kjo pikë ndodhet në pjesën lindore të Antarktidës nën akullnajën Denman.
Ky kanion i mbushur me akull është 3.5 kilometra nën nivelin e detit. Luginat janë akoma më të thella në oqean.
Ndërsa pika më e ulët e ekspozuar në Tokë është në breg të Detit të Vdekur, 413 metra nën nivelin e detit. Zbulimi i ri i pikës më të thellë është ilustruar me një hartë të re të kontinentit të Antarktidës.
“Ky është padyshim portreti më i saktë i asaj që gjendet poshtë shtresës së akullt”, tha Dr. Mathieu Morlighem, i cili ka punuar për 6 vjet në këtë projekt.
Pavarësisht këtij zbulimi, në Antarktidë ka akoma zona të mëdha për të cilat ka pak ose aspak të dhëna. /tvklan.al
