Presidenti ukrainas Volodymyr Zelensky tha se Rusia do të vendosë 150 000 trupa në Bjellorusi që mund të përdoren kundër vendeve anëtare të NATO-s.
“Këtë vit Rusia do të përgatisë 15 divizione për stërvitje dhe forcimin e situatës në drejtimin Bjellorusi. Do të jenë 100,000-150,000 njerëz. Dhe nuk jam i sigurt se ky grup do të shkojë në ofensivë kundër Ukrainës, por do të shkojë në ofensivë.
Unë nuk po frikësoj askënd. Ata thjesht mund të shkojnë në ofensivë në Ukrainë, ashtu siç shkuan në 2022 … ose do të shkojnë në Poloni ose vendet baltike”, tha Zelensky.
Deklaratat e tij erdhën teksa përgatitej për një takim me zëvendëspresidentin e SHBA J.D Vance në Konferencën e Sigurisë në Mynih të premten, mes një shtytjeje të re nga Uashingtoni për bisedime për t’i dhënë fund luftës së Rusisë në Ukrainë.
Udhëheqësit evropianë u alarmuan pasi Presidenti Donald Trump njoftoi të mërkurën se kishte zhvilluar një telefonatë me presidentin rus Vladimir Putin për të filluar në mënyrë efektive negociatat pa kërkuar bashkëpunimin e Kievit.
/tvklan.al
