Mbrëmja e Krishtlindjeve në “Zemër Luana” ka qenë një natë mjaft speciale. Ndonëse deri më sot jemi mësuar që në skenë të shohim emrat më të mëdhenj nga fusha të ndryshme dhe ata që kryesojnë showbizin, nata e Krishtlindjeve ishte diçka ndryshe.
Moderatorja dhe autorja Luana Vjollca ka vendosur që këtë festë familjare t’ua dedikonte pikërisht atyre, që në këto ditë festash ndjejnë më së shumti mungesën e familjes. Në studion e “Zemër Luana” janë ftuar disa prej të rinjëve që qëndrojnë në Shtëpinë e të rinjve në Shkodër dhe të moshuarit nga Shtëpia e të moshuarve.
Të rinjtë kanë luajtur dhe janë argëtuar sër bashku me kapitenët e skuadrave të tyre BEs Kallakun dhe Olsi Bylykun, ndërkohë që për të moshuarit është shtruar një darkë ku nuk kanë munguar lojrat kërcimet e muzika. Disa momente këto mjaft të veçanta për të ftuarit, për tu dhënë sado pak ngrohtësi e disa momente të mbushura plot dashuri.
Sigurisht që këta të ftuar special u argëtuan edhe në ritmet e këngëtarëve të njohur si Redon Makashi, Luar Arani dhe Denisa Gjezo. Por nuk mbaroj këtu, sepse sigurisht që mes shumë surprizave të tjera, “Zemër Luana” kishte menduar tu bënte edhe nga një dhuratë, për ta ruajtur si kujtim në këtë vigjilje festash. Gjithashtu nëpërmjet këtij spektakli, të gjithë bashkë kuptuam sa e rëndësishme është të japim dashuri e të mbushim plotë zemrat e njerëzve që na rrethojnë. Ndonse që në fillimet e “Zemër Luana” autorja dhe moderatorja Luana Vjollca ka ndërmarrë një nismë, ku fitoren e çdo skuadre ja dedikon një familje në nevojë duke plotësuar kërkesat e tyre. E deri më sot ka bërë të lumtura shumë familje me sende materiale, sonte vendosi të dhuronte një dashuri të pakushtëzuar për disa njerëz që ju mungon kjo gjë./tvklan.al
