Zgjedhjet në Brazil shkojnë në balotazh

Zgjedhjet në Brazil shkojnë në balotazh

09:00 03/10/2022

Bolsonaro dhe Lula do të përballen serish me 30 Tetor në garën presidenciale

Asnjë nga dy kandidatët për president në Brazil nuk mundi të marrë mbi 50% të votave për të fituar garën në zgjedhjet e mbajtura këtë të diel.

Presidenti aktual Jair Bolsonaro dhe rival ii tij Luiz Inacio Lula da Silva  do të shkojnë në balotazh.

Lula ishte përpara me 48.4% të votave kundrejt 43.3% për Bolsonaro, njoftoi autoriteti kombëtar zgjedhor. Balotazhi pritet të zhvillohet më 30 tetor.

 Rezultati shumë i ngushtë shkatërroi shpresat për një zgjidhje të shpejtë në një situatë thellësisht të polarizuar në demokracinë e katërt më të madhe në botë.

Bolsonaro ishte i qetë dhe i sigurt në komentet e tij paszgjedhore, duke përçmuar firmat e sondazheve për dështimin për të vlerësuar mbështetjen e tij.

nga ana tjetër rivali Lula bëri një vështrim optimist për rezultatin, duke thënë se kjo vetëm do ta shtynte fitoren e tij dhe se ai priste të shkonte kokë më kokë me Bolsonaron në një debat.

Ne mund ta krahasojmë Brazilin që ai ka ndërtuar me atë që kemi ndërtuar,” u tha ai gazetarëve.

Lula u largua nga presidenca 12 vjet më parë me popullaritet rekord, ai tani nuk është i pëlqyer nga shumë brazilianë pasi u dënua për marrje ryshfeti dhe qëndroi 19 muaj në burg gjatë zgjedhjeve të fundit. Dënimi i tij u rrëzua më vonë nga Gjykata e Lartë, duke e lejuar atë të kandidojë sërish për president këtë vit, së bashku me nëntë kandidatë të tjerë nga disa parti më të vogla.

Klan News





Të ngjashme