Era e fortë ndihmon në përhapjen e flakëve
Më shumë se 5 hektarë pyje dhe bimësi janë djegur nga një zjarr i fuqishëm që ka rënë në Velçan të Bashkisë Maliq. Era e fortë ka penguar punën e zjarrfikësve për të vënë në kontroll zjarrin.
Vatra vijon të mbetet e rrezikshme dhe dyshohet se zjarri është vendosur nga barinj të zonës.
Ndërkohë edhe në fshatin Poro të Vlorës, ka një tjetër vatër të madhe zjarri. Drejt vendit të ngjarjes dy automjete zjarrfikëse. Nuk dihen ende shkaqet, por dyshohet që zjarri të jetë i qëllimshëm.
Në ndihmë të forcave zjarrfikëse edhe banorë të zonës që po punojnë për vënien nën kontroll të flakëve.
Tv Klan
