Një dëm të konsiderueshëm ka shkaktuar zjarri që ra pasditen e së martës në një stallë bagështish në Lezhë. Flakët kanë bërë që të ngordhin 311 krerë të imta dhe 9 gjedhë.

Pronari dyshon se shkak është bërë një shkëndijë elektrike.

“Nga era e fortë, ka qenë shumë erë e fortë dhe nuk u shihte asgjë, vetëm një dele. Nga delet, vetëm një ka shpëtuar”, u shpreh pronari i stanit, Gjin Toma.

Ai kërkon ndihmë nga autoritetet.

“Edhe një qingj që pati shpëtuar, edhe ai ka cofë sot. Po çfarë të bëjmë tani? Dëmi shumë i madh është po s’kemi ç’ti bëjmë”, thotë Toma.  

Falë ndërhyrjes nga forcat zjarrfikëse u arrit që të shuhej zjarri në një stallë tjetër që ndodhej aty pranë.

Klan News