Krimi i dyfishtë i shënuar në muajin janar në Vlorë, ku nënë e bir Olsi Hoxhallari dhe Salkie Hoxhallari u vranë dhe u dogjën në banesë është trajtuar ndryshe në emisionin “Zonë e Lirë”.

26-vjeçari Kasëm Pirjasi akuzohet se në bashkëpunim me Selvije Hoxhallarin vranë me sëpatë nënë e bir.

Ngjarja ndodhi orët e para të mëngjesit të 21 janarit në Vlorë. Kjo vrasje është trajtuar nga të ftuarit filozofi Arjan Çurri, aktori Laert Vasili dhe neurologia greke Eli Triga si rikthim në antikitetin grek rreth 2.500 vjet më parë në tragjedinë “Elektra”.

 “Rruga që ai zgjodhi për të kryer krimin nuk ishte fare e thjeshtë dhe sigurisht rruga që zgjodhi nuk e çoi tek ajo që donte. Duke marrë parasysh që ajo që dëshironte do të ishte vazhdimi i dashurisë, ajo që bëri ishte pikërisht e kundërta, e pengoi dhe i prishi planet. Ajo që është e sigurtë është se gjykimi i këtij njeriu në këtë moment nuk funksionoi, nuk ishte i kthjellët. Ne nuk kemi baza që të themi se në këtë rast kemi të bëjmë me një të sëmurë psiqik por në çdo rast ajo që bëri tregoi se ai nuk ishte i ekuilibruar”

, tha neurologia greke Eli Triga.

/tvklan.al