UEFA lajmëroi se shteti helvet ka fituar të drejtën të presë Kampionatin Europian të Futbollit për Femra

UEFA njoftoi se Zvicra do të organizojë Kampionatin Europian të Femrave në vitin 2025. Hera e fundit që shteti helvet mbajti një event futbollistik ndërkombëtar ishte në vitin 2008, ku u luajt kampionati europian i futbollit, në bashkëpunim me Austrinë.

Fedrata Zvicerane e futbollit informoi se do të krijojë një organ përgjegjës për organizimin e eventit e shtoi se në muajt prill e maj do të kryhen inspektime nga UEFA në impiantet ku do të luhen sfidat e kompeticionit. Qytetet ku do të luhen ndeshjet do të jenë Bazeli, Berna, Gjeneva, Zyrihu, St Galen, Sion, Luçern dhe Tun.

Kandidate për organizimin e turneut ishin edhe Franca, Polonia si edhe Danimarka, Finlanda, Norvegjia dhe Suedia aplikuan së bashku. Edicionin e mëparshëm të këtij turneu u mbajt në Angli në vitin 2022. Organziatorët e fituan titullin pasi mundën Gjermaninë në finalen e Uemblit.

Në total ky event u ndoq nga 365 milionë persona, ndërsa në finalen e Uemblit ishin të pranishëm 87,192 spektatorë, duke vendosur rekord.

Klan News