Kritika shërbimeve të sigurisë, anashkaluan sulmin duke u fokusuar vetëm tek Putini

Rusia ka qenë pamëshirshme në arrestimin e kundërshtarëve të Vladimir Putinit, por u kap në befasi nga një sulm terrorist pranë Moskës, duke ngritur pikëpyetje rreth inteligjencës, thonë analistët.

Nina Krushcheva, një profesore e çështjeve ndërkombëtare në The New School në Nju Jork, tha se FSB duhet se kishte në radarin e saj Shtetin Islamik.

“Kur Ambasada Amerikane në Moskë postoi paralajmërimet, ata i postuan në anglisht, jo në Rusi, kështu që ishte menduar për njerëzit e saj. Më 12 mars Ministria e Punëve të Jashtme tha: “Pse po paralajmëroni kështu? Cila është diplomacia juaj? Pse nuk po na paralajmëroni ashtu siç duhet. Ajo që unë po përpiqem të them është se problemi me shqetësimin e Putinit ose çdo gjë që lidhet me Kremlinin e tij është se ai ka krijuar një status të plotë irracional.”

Kjo, thonë ish-zyrtarët e inteligjencës amerikane dhe analistët perëndimorë të sigurisë, ndihmon në shpjegimin se pse Shërbimi Federal i Sigurisë në Rusi mund të ketë anashkaluar sulmin terrorist, pasi kishte nën monitorim kërcënime politike dhe të tjera ndaj Putinit dhe qeverisë së tij.

“Sulmi nuk u parandalua. Pra, kjo shkon kundër gjithë këtij argumenti të Putinit se Rusia do të jetë e qëndrueshme dhe e sigurt. Por tani ajo është jo stabile, jo e sigurt. Gjithashtu e dimë se FSB i kthen kërcënimet e sigurisë në kërcënime të ideologjisë kundër Rusisë, kërcënime për mbijetesën dhe ekzistencën e shtetit.”

Sipas Hrushcheva pikëpamja e Putinit është se Rusia është e mbyllur në një luftë ekzistenciale me një Perëndim të udhëhequr nga SHBA do ta kishte bërë të vështirë për Moskën që të merrte në konsideratë një paralajmërim për siguri nga Shtetet e Bashkuara.

Nëse katër të arrestuarit që kryen sulmin në sallën e koncertëve pranë Moskës mund të ketë pasur një lloj lidhjeje me Ukrainën, siç ka lënë të kuptohet Putin dhe Kievi e ka mohuar kategorikisht ka pasur shenja paralajmëruese që duket qartë se inteligjenca ruse nuk i ka kushtuar vëmendje.

“Pra, sigurisht, për Kremlinin, ata kanë nevojë që ajo histori të jetë ukrainase, pavarësisht nëse është e vërtetë apo jo. Kjo është arsyeja pse ata në fakt po implikojnë Shtetet e Bashkuara, kur Shtetet e Bashkuara dhe inteligjencat e tjera thanë: “Epo, është ISIS,” .”

Një tjetër paralajmërim për një sulm të ngjashëm erdhi më 2 Mars në Rusinë jugore, kur forcat speciale të FSB vranë gjashtë persona të armatosur, të cilët ata i identifikuan si anëtarë të Shtetit Islamik. Më 7 Mars, FSB parandaloi një sulm në një sinagogë në Moskë që ishte planifikuar nga një qelizë e Shtetit Islamik dhe se sulmuesit ishin vrarë në një shkëmbim zjarri.

Ekspertët shprehen se sulmet e 2 dhe 7 Marsit duhet të kishin ndezur fenerët për kërcënimet të të tjera të mundshme terroriste në vend të cilat u anashkaluan nga inteligjenca.

Klan News