Tetë regjisorë, shtatë italianë dhe shqiptarja Madi Selimi kanë bashkuar gjithë eksperiencën e tyre për të sjellë eksperimentin komunist, që Mikhail Bugakov shkroi midis viteve 1924-1925.
Nga tre tregimet e censuruara nga regjimi i asaj kohe në Rusi, ekipi i regjisorëve që identifikohen si “kolektivi 38”, të parin që do të ngjisin në skenën teatrore shqiptare është “Djallëzorët”, që siç thotë Madi Selimi, e cila morri përsipër edhe përkthimin e tregimit, është reflektim mbi komunizmin pavarësisht vendit ku u zbatua.
Eksperimenti komunist, për të cilin Mikhail Bugakov shkruante, do të vijë si i tillë edhe në skenë me aktorët Marjana Kondi, Ermela Ruri, Anderson Gurra, Arjon Mamaj dhe Ana Kuqo.
Besnikëria e “kolektivit 38” ndaj veprës së botuar, pas rënies së komunizmit në Rusi, lëkundet në fund. Regjisorët e zhvendosin atë në Shqipëri.
Nga e enjtja “Djallëzorët” vijnë premierë në skenën e Teatrit Eksperimental “Kujtim Spahivogli”.
Tv Klan
