Diskutimi në Komisionin e Ligjeve i projektligjit për policinë e shtetit ka rihapur debatin mbi përgjegjësinë e forcave të rendit në vrasjen e bankierit Artan Santo.
Deputeti socialist Tom Doshi ngarkoi me përgjegjësi policinë për moskapjen e autorëve duke thënë se efektivët që u ndodhën në vendngjarje ishin të papajisur me mjetet e nevojshme dhe nuk bënë detyrën që u takonte.
Mungesën e mjeteve logjistike dhe mangësitë në funksionimin e forcave të Rendit e pranoi edhe drejtori i Studimeve Strategjike në policinë e shtetit,Bilbil Mema.
Tom Doshi nuk kuresu kritikat edhe për Ministrin e Brendshëm Sajmir Tahiri.
Deputeti socialist gjatë shqyrtimit të projektligjit për policinë e shtetit ka shprehur shqetësimin e tij për emërimet politike në strukturat drejtuese të forcave të rendit duke thënë se Drejtori i Përgjithshëm i Policisë është marrë nga rruga, ndërsa drejtuesit e lartë janë të gjithë nga Tepelena.
TV KLAN
