Një grua nga Uellsi u ndalua nga Gjykata e Apelit që t’ia vinte emrin vajzës së saj Cyanide.
Gjykata vendosi që kjo zgjedhje e pazakontë, mund të dëmtojë fëmijën, pavarësisht argumentit të nënës se ishte një emër i këndshëm dhe i bukur, ndonëse ishte helmi që Adolf Hitler mori përpara se të vetëvritej.
Gjykatës iu tha se gruaja kishte një histori me probleme mendore dhe përdorim të drogës.
Siç shkruan “
The Independent
”, në Britani është disi e pazakontë që gjykata të ndërhyjë kur vjen puna tek emri i fëmijët. Kjo, sipas gazetës, ndodh vetëm në raste ekstreme dhe shpjegon edhe faktin se përse në rrugët e Britanisë ka fëmijë që quhen “Superman”, “Gazza”, “Gandalf” apo dhe “Arsenal”.
Ndër të tjera, “
The Independent”
sjell edhe disa prej emrave që janë të ndaluar për t’iu vënë fëmijëvë në botë.
Chow Tow –
Në Malajzi, qeveria e ka ndaluar këtë emër, përkthimi i së cilit është “kokë pa larë”.
Anus –
Në Danimarkë, dy prindër të çuditshëm kërkuan t’ia vinin fëmijës këtë emër. Fatmirësisht gjykata ia ndaloi.
Brfxxçxxmnpççlllmmnprxvclmnckssqlbb11116 –
Një çift në Suedi, në 1996 –ën prentendonte se ky “emër” lexohej Albin, në shenjë proteste kundër qeverisë suedeze pasi kishte ndaluar vënien e emrave si IKEA apo Metallica.
@ –
Një çift kinez donte t’ia vinte emrin fëmijës “Wang @”. Simboli në Kinë lexohet “ai – ta”, e ngjashme në tingull e frazës “love him”. Fëmija do të kishte patur probleme në Twitter për disa arsye.
Facebook –
Shteti meksikan publikoi një listë me emrat e ndaluar në vend, ndër to ishte edhe “Facebook”, “Robocop”, “Traffic”, “James Bond”, “Terminator”, “Circumcision”.
Lucifer –
Ky emër nuk mund të vendoset në Zelandën e Re.
Senior Constable (polic)
Fish dhe Chips (Peshk dhe Patate) –
… për binjakët.
Talula Does The Hula From Hawaii –
Në rastin konkret, një gjykatëse u shpreh: “Gjykata është tepër e shqetësuar për logjikën e varfër që prindërit e këtij fëmije kanë treguar në zgjedhjen e emrit të tij
.”/tvklan.al
