Një 38-vjeçar i lindur në Bulqizë ka rënë në prangat e policisë në Mbretëri të Bashkuar me qëllim ekstradimin drejt vendit tonë.
Sipas asaj që njofton policia bëhet e ditur se 38-vjeçari. Denis Havalja alias Dashamir Havalja është dënuar me 5 vjet e 4 muaj burgim, për veprat penale “Marrëdhënia seksuale ose homoseksuale me të mitur” dhe “Drejtimi i automjeteve në mënyrë të parregullt”. Mësohet se ai në vitin 2016, ka marrë në një automjet me targa angleze dhe një shtetase të mitur, me të cilën ka kryer marrëdhënie seksuale.
Ndërkohë nga ky dënim i kanë mbetur për të vuajtur 2 vjet e 10 muaj burgim. Vijojnë procedurat për ekstradimin e këtij shtetasi, në Shqipëri.
Njoftimi i policisë:
Policia e Shtetit/Vijojnë operacionet e njëpasnjëshme me homologët, për lokalizimin, kapjen dhe arrestimin me qëllim ekstradimi, të shtetasve të shpallur në kërkim ndërkombëtar.
Falë shkëmbimit në kohë të informacioneve, arrestohet në Mbretëri të Bashkuar, për t’u ekstraduar në Shqipëri, një 38-vjeçar i cili në vitin 2016, kreu marrëdhënie seksuale me një shtetase të mitur.
Si rezultat i sigurimit të informacioneve nga strukturat e Policisë së Shtetit, për vendndodhjen e një shtetasi të kërkuar, koordinimit mes Interpol Tiranës dhe Interpol Mançesterit, në kuadër të operacionit “Alias”, u kap dhe u arrestua provizorisht, në Mbretërinë e Bashkuar, shtetasi Denis Havalja alias Dashamir Havalja, 38 vjeç, lindur në Bulqizë.
38-vjeçari është dënuar me 5 vjet e 4 muaj burgim, për veprat penale “Marrëdhënia seksuale ose homoseksuale me të mitur” dhe “Drejtimi i automjeteve në mënyrë të parregullt”, pasi në vitin 2016, ka marrë në një automjet me targa angleze, një shtetase të mitur, me të cilën ka kryer marrëdhënie seksuale. Nga ky dënim i kanë mbetur për të vuajtur 2 vjet e 10 muaj burgim.
Vijojnë procedurat për ekstradimin e këtij shtetasi, në Shqipëri.
/tvklan.al
