Lezhë – Vijon puna për kapjen e personave të shpallur në kërkim. Policia e Lezhës, ka kapur dy persona për veprën penale ” Prodhimi dhe shitja e narkotikëve” të shpallur në kërkim brenda ditës nga Policia e Shkodrës.
Ditën e djeshme, rreth orës 22.30, nga shërbimet e Komisariatit të Policisë Lezhë, në bazë të informacioneve të siguruara në rrugë operative, si dhe masave operacionale , në fshatin Rrile, u bë e mundur kapja e shtetasve të shpallur në kërkim: Fran Frroku, 49 vjeç, banues në Lezhë dhe Zef Gjergji, 56 vjeç, banues në Lezhë
Këta dy persona janë shpallur në kërkim nga Komisariati i Policisë Pukë, ditën e djeshme, si të dyshuar për kryerjen e veprës penale “Prodhimi dhe shitja e narkotikëve” e kryer në bashkëpunim./tvklan.al