Mes kaosit dhe tensionit është mbyllur seanca e sotme plenare. Kjo seancë ishte parashikuar të zgjaste 4 orë, mirëpo tensioni i krijuar bëri që të mos kishte zhvillim normal të saj.
Me pankarta në duar, deputetët e opozitës përdorën zhurmues dhe u frynë bilbilave duke bërë që seanca të zgjaste më pak se 10 minuta.
Ndërkohë, deputeti demokrat Flamur Noka u përplas me Gardën e Republikës dhe po ashtu i ndërpreu fjalën deputetit socialist, Vullnet Sinaj, të cilit iu afrua me bilbil tek mikrofoni.
Në këto kushte, kryeparlamentarja Lindita Nikolla vendosi mosvazhdimin e seancës së sotme plenare.
Në rendin e ditës ishte parashikuar që të kishte diskutime për çështje të evidentuara nga zgjedhësit.
Rendi i ditës i parashikuar të mbahej sot:
Në mbështetje të urdhrit nr. 12, datë 1.3.2024 të Kryetares së Kuvendit, znj. Lindita Nikolla, rendi i ditës është si më poshtë vijon:
1. Miratimi i procesverbalit të seancës plenare të datës 22.2.2024.
2. Njoftime.
3. Diskutime për çështje të evidentuara nga zgjedhësit.
Diskutime – jo më shumë se 4 orë.
/tvklan.al