Paundi ka shënuar nivelin më të ulët në më shumë se tre muaj, pas raporteve se Britania do të dalë nga Bashkimi Europian.
Paundi ka rënë në një kohë të hënën nën 1.20 dollarë dhe kundrejt euros, në rreth 1.13, në tregun aziatik.
Analistët thonë se tregtarët kanë reaguar ndaj raporteve se kryeministrja e Britanisë, Theresa May, do të shfrytëzojë një fjalim të martën për të sinjalizuar daljen e vendit nga BE-ja.
Sipas disa raporteve, ajo do të sinjalizojë tërheqjen nga tregu i përbashkët dhe unioni doganor, edhe pse Qeveria britanike i ka cilësuar këto si “spekulime”./tvklan.al
