Jeta e një peshkatari nuk është aspak e lehtë. Ka raste kur ata peshkojnë një sasi të mirë, ndërkohë që ka raste të tjera kur ata nuk kapin asgjë.
Peshkatari Khalid Al Sinani e ka kaluar jetën e tij pranë detit, duke shpresuar se çdo ditë e re do të ishte më e mirë për të. Por ai kurrë se kishte menduar se një ditë mund të bëhej milioner krejt papritur dhe jeta e tij të merrte një kthesë dramatike për mirë.
Por në fakt, kjo gjë i ndodhi Khalid, falë një udhëtimi rutinë peshkimi në Qurayat, Oman.
Ëndrra e tij e fëmijërisë për të fituar një lotari u bë realitet mëngjesin e 30 Tetorit, kur ai sëbashku me dy shokët e tij zbuluan një masë të çuditshme në rrjetën e tyre që peshonte 80 kg.
Ajo ishte pështymë balene, një produkt shumë i kërkuar në industrinë e kozmetikës dhe tepër i shtrenjtë.
“Ne kemi përdorur litarë për ta mbledhur atë dhe për ta futur brenda anijes”,
tha Al Sinani.
Vetëm pas disa ditësh, Al Sinani është kontaktuar nga shumë klientë nga Emiratet e Bashkuara Arabe dhe Arabia Saudite të cilët u kanë ofruar çmime marramendëse.
“Ambergris” është një substancë që vjen si sekrecion nga zorrët e balenës dhe përdoret për prodhimin e parfumeve, në mënyrë që aroma e tyre të zgjasë më shumë./tvklan.al
