Një 24-vjeçar ka mbetur i plagosur me armë zjarri mbrëmjen e së premtes në qytetin e Peshkopisë. Sipas policisë, i riu me iniciale A.M, banues në këtë qytet u plagos rreth orës 23:10, në rrethana ende të paqarta.
Ai u dërgua në spitalin e Peshkopisë në gjendje të rëndë dhe ndodhet nën kujdesin mjekësor. Ndërkohë, policia ka mundur që të identifikojë autorin e dyshuar të kësaj ngjarjeje, por për shkak të hetimit policia nuk bën me dije të dhënat e tij.
“Po krihet zona për kapjen e tij, si dhe po hetohet intensivisht nëse ka persona të tjerë të përfshirë në këtë ngjarje. Grupi hetimor vijon hetimet për zbardhjen e shkaqeve të ngjarjes, si dhe po mblidhet dhe sekuestrohet çdo provë që mund të ketë lidhje me këtë ngjarje”
, thuhet në një njoftim të policisë./tvklan.al
