Përbërësit për 4 persona:
600 g mish pule
50 g gjalp
2 filxhanë kafeje arra
1 kokërr hudhër
2 lugë uthull
1 lugë miell
kripë
piper
Presim mishin e pulës në feta, e vendosim në tenxhere, i hedhim ujë të valuar, pak kripë e piper të zi dhe e vendosim të ziejë në zjarr të ngadaltë.
Në një tjetër tenxhere hedhim pak gjalp dhe miell. I skuqim për pak minuta dhe shtojmë lëngun e pulës, duke u kujdesur që të mos krijohen kokrra. E lëmë masën derisa të trashet dhe pasi ta kemi hequr nga zjarri shtojmë arrat të cilat duhet të jenë të shtypura.
Salca e përgatitur rregullohet me hudhra të shtypura, uthull, kripë, piper e arra. Gjatë servirjes vendosim fillimisht mishin e pulës dhe e mbulojmë me salcën.
tvklan.al
