Djali më i shëndoshë në botë është rikthyer në shkollë, në West Java, provincë e Indonezisë, pas regjimit strikt që i ka mundësuar atij ecjen përsëri.
10-vjeçari, Arya Permana, i cili peshonte 200 kg, tashmë mund të ecë sërish falë nënës së tij ,e cila për t’i shpëtuar jetën e shtyu atë të bënte një dietë të rreptë si dhe ushtrime.
Për shkak të peshës së madhe që ai kishte, pjesën më të madhe të kohës rrinte vetëm shtrirë dhe nuk kishte mundësi të ecte ose të luante me moshatarët e tij.
Por pas dietës dhe ushtrimeve fizike, Arya ka nisur të humbasë peshë dhe vetëm pas disa javësh ai ka hequr 5 kg.
Ai tani ka mundësi që jo vetëm të ndjekë shkollën, por edhe të luajë sërish me moshatarët e tij.
“Jam shumë i gëzuar nuk mund as t’i shpreh ndjenjat. Është ndjenjë e mirë që të rikthehesh në shkollë. Aty të gjithë më duan edhe mësuesit më trajtojnë shumë mirë. Kam bërë shumë miq dhe ata sillen shumë mirë me mua, “
ka thënë Arya.
Pas shqetësimit që prindërit e 10-vjeçarit kishin paraqitur për shëndetin e tij, një mjek ishte kujdesur një javë për të, duke i sugjeruar edhe dietën. Tashmë Arya ushqehet në mënyrë të shëndetshme, ecën gjashtë minuta çdo orë, bën peshëngritje dhe noton çdo ditë ./tvklan.al
