Sulmi amerikan kundër bazës ajrore siriane të Al Shariat është një veprim i papërgjegjshëm dhe idiot. Ka qenë ky reagimi i parë zyrtar i presidencës siriane pas ndërhyrjes amerikane.
“Ajo që Amerika po bën nuk është asgjë tjetër përveçse një sjellje e papërgjeshme dhe idiote që dëshmon miopinë dhe verbërinë politike dhe ushtarake përballë realitetit”.
Ndërkohë dhe një nga këshilltarët e presidentit sirian ka reaguar duke thënë se, Damasku do të reagojë ndaj agresionit të Shteteve të Bashkuara të Amerikës.
Trump urdhëroi bombardimin e objektivave të ushtrisë siriane të enjten, në përgjigje ndaj sulmit me armë kimike të forcave të Asadit ndaj qyteteve të kontrolluara nga forcat opozitare. Pentagoni tha se 59 raketa Tomahawk u lëshuan nga anijet e marinës amerikane në Mesdhe.
Trump deklaroi se kishin goditur bazën ajrore, nga e cila qeveria siriane nisi sulmin e të martës, duke lënë të vdekur 6 ushtarakë dhe plagosur 7 të tjerë.
Rusia në krahun tjetër, e cila ka mbështetur qeverinë siriane, e dënoi sulmin amerikan ndaj Sirisë./tvklan.al
