Duket se mesazhet pozitive të ministrit të Jashtëm gjerman, Sigmar Gabriel, e kanë entuziazmuar aq shume kryeministrin shqiptar, Edi Rama sa që pa dashje ka bërë një lapsus duke ngatërruar flamurin gjerman me atë rumun.
Në një postim në Facebook, Rama shkroi “Konferenca e përbashkët e shtypit me Ministrin e Jashtëm gjerman Sigmar Gabriel. Mesazhi i unifikuar i koalicionit CDU-CSU të kancelares Merkel dhe SPD të kryetarit Schulz e ministrit të jashtëm Gabriel është i qartë: Vettingu duhet të zbatohet e opozita të mos e pengojë me bojkot dhe zgjedhjet duhet të mbahen në datën kushtetuese, 18 qershor.”
Por, në vend të flamurit gjerman në fund të postimit, fillimisht Rama përdori flamurin rumun, për ta ndërruar më pas. /tvklan.al
