WhatsApp po zhvillon një opsion që do t’u lejojë përdoruesve të shpërndajnë postimet në status edhe në Instagram.
Qëllimi kryesor i këtij opsioni është që të rrisë shpërndarjen e postimeve përmes kryqëzimit të platformave.
Përdoruesit nuk do të duhet të postojnë Story individuale, por mund të postojnë në të dyja platformat vetëm me një hap. Kështu ata do të kursejnë kohë dhe nuk do të duhet të bëjnë dy herë të njëjtin veprim.
Përdoruesit do të mund të zgjedhin se kush do të shohë postimet e tyre përmes rregullimeve të posaçme në audiencën e Instagram Story.
Gjithashtu ata mund edhe ta çaktivizojnë në çdo kohë pasi e kanë aktivizuar manualisht.
Veç kësaj, aplikacioni do të sugjerojë kontakte me të cilat përdoruesit mund të bisedojnë. Sipas raportimeve, do të jenë kontaktet me të cilat përdoruesi nuk ka shkëmbyer mesazhe prej kohësh.
Përditësimet do të kryhen për përdoruesit iOS dhe Android./tvklan.al
